ನುಡಿ ಕಂಡಾಯ

ನುಡಿ ಕಂಡಾಯ ಅಂಕಣ ಬರಹಗಳು ಡಾ.ಹುಲಿಕುಂಟೆ ಮೂರ್ತಿ

‘ನುಡಿ ಕಂಡಾಯ’ದ ನಡೆ ಬಂಡಾಯ ವನ್ನು ನೇರವಾಗಿ ನಮ್ಮೆದೆಯ ನೆಲಕ್ಕೆ ಅಕ್ಷರದ ನೇಗಿಲ ಮೂಲಕ ಬರಹವೆಂಬ ಬೀಜಗಳ ಬಿತ್ತುತ್ತಾ ಚಿಂತನೆಯ ಬೆಳೆಯ ಎಳೆಗಳು ಮೂಡುವಂತೆ ಮಾಡುವ ಈ ಪುಸ್ತಕ ನಿಜಕ್ಕೂ ಸಂಗ್ರಹ ಯೋಗ್ಯ ಸಮಕಾಲೀನ ಸಂಕಟಗಳಿಗೆ ಸ್ಪಂದಿಸುವ ಯುವ ಮನಸೊಂದರ ಒಡಲಾಳದ ಬೆರಗು-ಬೇಗುದಿಗಳನ್ನು ಬಿಡಿ ಬರಹಗಳ ಮೂಲಕ ಬಿಚ್ಚಿಟ್ಟ ಹುಳಿಕುಂಟೆ ಮೂರ್ತಿಯವರು ನಾವು ಯೋಚಿಸಿ. ಉಪೇಕ್ಷಿಸಿದ್ದನ್ನು ಶ್ರಮ ಶ್ರದ್ಧೆಯಿಂದ ಹೆಣೆದಿಟ್ಟಿದ್ದಾರೆ. ಮೊಬೈಲ್ ಪರದೆಯ ಮೇಲೆ ಬೆರಳ ತುದಿಗಳಿಂದಲೇ ಸಾವಿರಾರು ಸುದ್ದಿಗಳನ್ನು ಸುಮ್ಮನೇ ಸೇರಿಸುತ್ತಾ ಹೋಗುವ ಈ ದರಿದ್ರ- ದಿಕ್ಕೆಟ್ಟ ದಿನಮಾನಗಳಲ್ಲಿ ದಿವಿನಾಗಿ ಕೂತು ದನಿ ಇಲ್ಲದವರ ದುಮ್ಮಾನಗಳನ್ನು ದಾಖಲಿಸಿದ್ದಾರೆ.